O‘zbekiston Respublikasi Oliy va o‘rta maxsus ta’lim vazirligi huzuridagi O‘quv ustaxonalari, texnik reglamentlar va metrologik nazorat xizmati rahbarligida Qoraqalpog’iston Respublikasidagi “Professional ta’lim muassasalarida o‘quv amaliyotlarini sifatli o‘tkazishni tashkil etish, ishlab chiqarish ta’limi ustalari tomonidan o‘quv-me’yoriy hujjatlarning yuritilishi, jihozlardan samarali foydalanish hamda tizimda tayyorlanayotgan o‘rta bog’in kadrlarning kasbiy kompetensiyalarini oshirish” mavzusida Qoraqalpog’iston Respublikasi professional ta’lim muassasalari rahbarlari uchun 2021 yil 3-dekabr kuni Ellikqal’a tumani kasb-hunar maktabida o‘tkaziladigan mintaqaviy o‘quv-amaliy seminar o‘tkazildi.
https://youtu.be/mdzHxjy58n0
O‘zbekiston Respublikasi Oliy va o‘rta maxsus ta’lim vazirligi huzuridagi O‘quv ustaxonalari, texnik reglamentlar va metrologik nazorat xizmati rahbarligida Samarqand viloyatidagi professional ta’lim muassasalari direktorlari va ishlab chiqarish ta`limi boyicha o`rinbosarlari uchun “Professional ta’lim muassasalarida o‘quv amaliyotlarining sifat va samaradorligini oshirish” mavzusida 2021-yilning 13-dekabr kuni Samarqand shahar kasb-hunar maktabida mintaqaviy o‘quv-amaliy seminar o‘tkazildi.
https://youtu.be/-l4LfGN98xI
O‘zbekiston Respublikasi Oliy va o‘rta maxsus ta’lim vazirligi huzuridagi O‘quv ustaxonalari, texnik reglamentlar va metrologik nazorat xizmati rahbarligida Qashqadaryo viloyatidagi professional ta’lim muassasalari direktorlari va ishlab chiqarish ta`limi boyicha o`rinbosarlari uchun “Professional ta’lim muassasalarida o‘quv va ishlab chiqarish amaliyotlarining sifat va samaradorligini oshirish” mavzusida 2021-yilning 26-noyabr kuni G‘uzor tumani 1-son kasb-hunar maktabida mintaqaviy o‘quv-amaliy seminar o‘tkazildi.
O‘zbekiston Respublikasi Oliy va o‘rta maxsus ta’lim vazirligi huzuridagi O‘quv ustaxonalari, texnik reglamentlar va metrologik nazorat xizmati rahbarligida Buxoro va Navoiy viloyatlaridagi professional ta’lim muassasalari direktorlari va ishlab chiqarish ta`limi boyicha o`rinbosarlari uchun “Professional ta’lim muassasalarida o‘quv amaliyotlarinining sifat va samaradorligini oshirish” mavzusida 2021-yilning 19-noyabr kuni Vobkent tumani 1-son kasb-hunar maktabida mintaqaviy o‘quv-amaliy seminar o‘tkazildi.
O‘quv ustaxonalari, texnik reglamentlar va metrologik nazorat xizmati mutaxassislaridan iborat ishchi guruh 2021-yil II-yarim yillik ish rejasiga muvofiq 2021-yilning 4-16-oktabr kunlari Qoraqalpog’iston Respublikasi va Xorazm viloyatlaridagi professional ta’lim muassasalarining o‘quv jarayonida jihoz, asbob-uskuna, texnika, sarflanadigan xom ashyo va materiallardan samarali foydalanish holatlarini o‘rganish, shuningdek o‘quv amaliyotlarini tashkil etish, kasbiy tayyorgarlik holatlarini tahlil qilish va ta’lim muassasalariga amaliy-uslubiy yordam ko‘rsatish maqsadida xizmat safarida bo‘lishdi.
M.Botirov tomonidan Nukus shahar 1-son kasb-hunar maktabi Tikuvchilik ustaxonasida 2-bosqich «Tikuvchi» kasbi ishlab chiqarish ta’limi ustasi T.Ajiniyazovaning “Bolalar kiyimini tikish” o’quv amaliyotidan “Bolalar sorochkasini tikish” mavzusidagi amaliy mashg’uloti o`rganildi.
M.Botirov tomonidan Kegeyli tuman 1-son kasb-hunar maktabida “Chilangarlik” ustaxonasida “Avtomobil dvigatellari qismlarga ajratish va yig`ish chilangari” kasbi 1-bosqich 4-21 guruhida ishlab chiqarish ta`limi ustasi Q.Qulbayev “Chilangarlik ishi” oquv amaliyotidan «Metallarni qirqish» mavzusidagi o`quv mashg`uloti o`rganildi.
A.Ergashev tomonidan Urganch tuman 1-son kasb-hunar maktabida Tikuvchilik ustaxonasida «Tikuvchi» kasbi 1-bosqich 8-21 guruhida ishlab chiqarish ta’limi ustasi Y.Botirovaning “Kiyim mayda detallarga ishlov berish” o’quv amaliyotidan “Tikuv mashinalari turlari” mavzusidagi o’quv mashg’uloti o’rganildi.
S.Uralov Qo’ng’irot tuman 1-son kasb-hunar maktabida «Tikuvchi» kasbi 2-bosqich 9-20 guruxida ishlab chiqarish ta’limi ustasi N.Seytmuratovaning «Ayollar kiyimini tikish» o‘quv amaliyotidan «Ayollar ko’ylagi yoqalarini tikish» mavzusidagi amaliy mashg’ulotni o’rgandi.
O‘zbekiston Respublikasi Oliy va o‘rta maxsus ta’lim vazirligi huzuridagi O‘quv ustaxonalari, texnik reglamentlar va metrologik nazorat xizmati rahbarligida “Professional ta’lim muassasalarida o‘quv amaliyotlarini sifatli o‘tkazishni tashkil etish, ishlab chiqarish ta’limi ustalari tomonidan o‘quv-me’yoriy hujjatlarning yuritilishi, jihozlardan samarali foydalanish hamda tizimda tayyorlanayotgan o‘rta bo‘g‘in kadrlarning kasbiy kompetensiyalarini oshirish” mavzusida Qoraqalpog‘iston Respublikasi va Xorazm viloyati professional ta’lim muassasalari rahbarlari uchun 2021-yilning 16-oktabr kuni Xonqa tumani 1-son kasb-hunar maktabida mintaqaviy o‘quv-amaliy seminar o‘tkazildi.
Seminarda O‘quv ustaxonalari, texnik reglamentlar va metrologik nazorat xizmati boshliq o‘rinbosari U.Eshonqulov so‘zga chiqib, seminarning maqsadi, mazmun va mohiyatini tushuntirib o’tdi.
“Tikuvchi” kasbi ishlab chiqarish ta’limi ustasi N.Xudoyberdiyeva 2-bosqich 1-guruhi o‘quvchilariga “Bolalar kiyimini tikish” o‘quv amaliyotidan amaliy mashg‘ulot o’tkazdi.
“Sartarosh- model’er” kasbi ishlab chiqarish ta’limi ustasi X.Sattorova 1-bosqich 10-guruh o‘quvchilariga “Sartaroshlik ishlari texnologiyasi” o‘quv amaliyotidan amaliy mashg‘ulot o’tkazdi.
«Oshpaz-qandolatchi» kasbi ishlab chiqarish ta’limi ustasi Sh.Fozilova 2-bosqich 6-guruh o‘quvchilariga “Bolalar pazandachiligi taomlarini tayyorlash” o‘quv amaliyotidan amaliy mashg‘ulot o’tkazdi.
“Payvandlovchi” kasbi ishlab chiqarish ta’limi ustasi E.Avezov 1-bosqich 15-guruh o‘quvchilariga “Chilangarlik ishlari” o‘quv amaliyotidan amaliy mashg‘ulot o’tkazdi.
Seminar qatnashchilari ustaxonalarda o’tkazilgan amaliy mashg’ulotlar bilan tanishishdi.
Seminar qatnashchilari “Sartarosh- model’er” kasbi bo’yicha «Worldskills» standartlari asosida kasbiy musobaqalarni 1-bosqichini o’tkazishga tayyorgarlik jarayoni bilan tanishishdi.
“Sartarosh- model’er” kasbi ishlab chiqarish ta’limi ustasi X.Sattorova seminar qatnashchilariga «Worldskills» standartlari asosida kasbiy musobaqalarga tayyorgarlik jarayonlari bilan tanishtirdi.
O‘quv ustaxonalari, texnik reglamentlar va metrologik nazorat xizmati boshliq o‘rinbosari U.Eshonqulov, Xorazm viloyati kasbiy ta’limni rivojlantirish va muvofiqlashtirish hududiy boshqarmasi boshlig’i v.v.b. I.Samandarov va «Oshpaz-qandolatchi» kasbi ishlab chiqarish ta’limi ustasi D.Radjabovalar seminar qatnashchilariga ustaxona jixozlari va asbob-uskunalaridan foydalanib o’quv amaliyotlarini tashkil etish bo’yicha tavsiyalar berishdi.
Xonqa tuman 1-son kasb-hunar maktabi direktori G.Axmedova seminar qatnashchilarini «Oshpaz-qandolatchi» kasbi bo’yicha «Worldskills» standartlari asosida kasbiy musobaqalarga tayyorgarlik jarayonlari bilan tanishtirdi.
O‘quv ustaxonalari, texnik reglamentlar va metrologik nazorat xizmati mutaxassislaridan iborat ishchi guruh 2021-yil II-yarim yillik ish rejasiga muvofiq 2021-yilning 13-22-sentyabr kunlari Namangan viloyati va Toshkent shahridagi professional ta’lim muassasalarining o‘quv jarayonida jihoz, asbob-uskuna, texnika, sarflanadigan xom ashyo va materiallardan samarali foydalanish holatlarini o‘rganish, shuningdek o‘quv amaliyotlarini tashkil etish, kasbiy tayyorgarlik holatlarini tahlil qilish va ta’lim muassasalariga amaliy-uslubiy yordam ko‘rsatish maqsadida xizmat safarida bo‘lishdi.
Boshliq o‘rinbosari U.Eshankulov Norin Abu Ali ibn Sino nomidagi jamoat salomatligi texnikumi rahbarlari va o‘qituvchilari uchun o‘quv-amaliy mashg‘ulotlarning o‘qitish materiallarini ishlab chiqish yuzasidan o‘quv seminar o‘tkazdi.
Boshliq o‘rinbosari U.Eshankulov Namangan tuman 1-son kasb-hunar maktabida ishlab chiqarish ta’limi ustasi S.Karimovning “Avtomobillar tuzilishi” o‘quv amaliyotidan “Sovitish va moylash tizimini qismlarga ajratish va yig‘ish” mavzusidagi o‘quv mashg‘uloti o‘tkazilishini o‘rgandi.
Bosh mutaxassis B.Saitxonov Namangan shahar 2-tibbiyot kollejida «Hamshiralik ishi asoslari» o‘quv-amaliy mashg‘uloti o‘qituvchisi M.Abdullayevaning «Sun’iy o‘pka yurak reanimatsiyasi» mavzusida amaliy mashg‘ulot o‘tkazilishi holatini o‘rgandi.
Bo‘lim boshlig‘i A.Ergashev Toshkent shahar Sergeli tuman kasb-hunar maktabida ishlab chiqarish ta’limi ustasi M.Ashurovaning “Kiyim mayda detallariga ishlov berish” o‘quv amaliyotidan “Turli yoqalarni tayyorlash va tikish” mavzusidagi amaliyot mashg‘uloti o‘tkazilishi holatini o‘rgandi.
Bo‘lim boshlig‘i M.Botirov Toshkent shahar Yunusobod Abu Ali ibn Sino nomidagi jamoat salomatligi texnikumida Hamshiralik ishi o‘quv-amaliy mashg‘uloti o‘qituvchisi G.Usmanovaning «Ichak yo‘li muammosida xukna o‘tkazish muammosi» mavzusidagi amaliy mashg‘uloti o‘tkazilishi holatini o‘rgandi.
Президент Шавкат Мирзиёев 6 сентябрь куни фармацевтика тармоғида амалга оширилган ишлар ҳамда истиқболдаги лойиҳалар тақдимоти билан танишди.
Юртимизда фармацевтика бўйича катта имкониятлар бўла туриб, ундан тўла фойдаланилмас эди. Охирги йилларда бу тармоқ “драйвер”лардан бири сифатида белгиланиб, изчил ривожлантириб келинмоқда.
Давлатимиз раҳбарининг 2017 йил 3 майдаги фармонига мувофиқ, Нукус, Зомин, Косонсой, Сирдарё, Бойсун, Бўстонлиқ ва Паркентда фармацевтикага ихтисослашган эркин иқтисодий зоналар ташкил этилган эди. Ўша йили 7 ноябрдаги фармонга кўра, Соғлиқни сақлаш вазирлиги ҳузурида Фармацевтика тармоғини ривожлантириш агентлиги тузилди. Доривор ўсимликлар етиштириш, уларни қайта ишлаш, инвестициялар жалб этиб, рақобатбардош маҳсулотлар ишлаб чиқариш учун кенг шароитлар яратилди.
Буларнинг натижасида сўнгги беш йилда 71 та янги корхона ташкил этилиб, 2 минг 500 дан ортиқ турдаги дори воситалари, 241 турдаги тиббий буюмлар ва 78 турдаги тиббий техника ишлаб чиқариш йўлга қўйилди. Фармацевтика маҳсулотлари ишлаб чиқариш ҳажми қарийб 2 баробар ошди.
Лекин бу натижалар ҳали етарли эмас. Бугунги кунда маҳаллий корхоналар ички бозор талабини натурал ҳажмда 55 фоизга таъминланмоқда, холос.
Келгуси беш йилда тармоқда ишлаб чиқариш ҳажмини 3 баробар ошириш, ички бозорни таъминлаш даражасини натурал ҳажмда 80 фоизга етказиш вазифаси қўйилган. Шу мақсадда 2022-2026 йилларга мўлжалланган истиқболли лойиҳалар ишлаб чиқилган.
Тақдимотда ана шу лойиҳалар ҳақида маълумот берилди.
Хусусан, жами 1,25 миллиард долларлик 104 та инвестиция лойиҳаси режалаштирилган. Уларнинг натижасида 376 миллион долларлик импорт ўрнини босувчи маҳсулотлар тайёрланиб, 84 миллион долларлик экспорт қуввати яратилиши ҳисоб-китоб қилинган. Энг муҳими, 9 мингга яқин киши иш билан таъминланади.
Президентимиз бу лойиҳаларнинг ижтимоий ва иқтисодий аҳамиятини таъкидлаб, уларни жадаллаштириш бўйича топшириқлар берди.
Тақдимотда маҳаллий доривор ўсимликларни етиштириш ва қайта ишлаш масалаларига ҳам алоҳида эътибор қаратилди.
Мамлакатимиз ҳудудида 750 турдаги доривор гиёҳлар ўсади. Улардан фойдаланиб, дунё бозорида харидоргир табиий маҳсулотлар ишлаб чиқариш учун ҳамма шароит яратиб берилмоқда. Жумладан, Ўзбекистон Президентининг 2020 йил 10 апрелдаги қарори билан ёввойи ҳолда ўсувчи доривор ўсимликларни муҳофаза қилиш, маданий ҳолда етиштириш ва қайта ишлаш бўйича қўшимча чора-тадбирлар белгиланди, муайян ҳудудлар доривор ўсимликлар етиштиришга ихтисослаштирилди. Бу йўналишда 19 та корхона ишга туширилди.
Лекин 750 турдаги доривор ўсимликлардан фақатгина 70 таси маҳаллий корхоналар томонидан фаол ишлатилмоқда.
Президентимиз юртимиздаги доривор ўсимликларни чуқур қайта ишлаш орқали экспортни 15 миллион долларга етказиш ва 5 мингдан ортиқ аҳолини иш билан таъминлаш мумкинлигини таъкидлади. Мутасаддиларга шу йўналишдаги кластерлар фаолиятини йўлга қўйиб, ишлаб чиқаришни кенгайтириш бўйича кўрсатмалар берди.
Бунда, доривор ўсимликларни етиштириш учун ер майдонларини ажратиш, уруғчиликни ривожлантириш, агрономларни тайёрлаш, доривор ўсимликларни қайта ишлаш ҳамда истеъмол бозорларини яратиш масалаларига алоҳида эътибор қаратиш топширилди.
Соҳадаги яна бир йирик лойиҳа – “Tashkent Pharma Park” инновацион илмий-ишлаб чиқариш фармацевтика кластеридир. Давлатимиз раҳбарининг 2020 йил 28 январдаги қарорига мувофиқ ташкил этилган ушбу замонавий марказ Тошкент вилоятининг Зангиота туманида барпо этилмоқда. Хусусан, фармацевтика университети, фармакопея маркази, илмий-тадқиқот маркази, экспертиза маркази, лабораториялар, виварий ва илмий-тажриба ишлаб чиқариш биноси қурилмоқда.
Шунингдек, бу ерда 140 миллион долларлик 7 та инвестиция лойиҳасини амалга ошириш режалаштирилган.
Тақдимотда биофармацевтик дори воситаларини ўзлаштириш истиқболлари ҳам муҳокама қилинди.
Юртимиздаги корхоналарда 3 мингдан ортиқ номдаги дори воситалари ишлаб чиқарилаётган бўлса-да, улар асосан бир компонентли, мураккаб бўлмаган дори воситаларидир.
Шу боис Президентимиз онкологик, гормонал, қон препаратлари, вакциналар каби инновацион биотехнологик дори воситалари ишлаб чиқаришни йўлга қўйиш бўйича кўрсатмалар берди.
Соғлиқни сақлаш тизими давлат харидлари орқали маҳаллий фармацевтика маҳсулотлари ишлаб чиқаришни рағбатлантириш, халқаро стандартлар асосида тайёрланаётган маҳсулотларни сертификациялашни соддалаштириш муҳимлиги таъкидланди.
Илм-фан ва саноат корхоналари кооперациясини ривожлантириш, замонавий билимларга эга малакали мутахассислар тайёрлаш бўйича топшириқлар берилди.
Соҳани янада ривожлантириш бўйича алоҳида дастур тайёрлаш вазифаси қўйилди.
Токио паралимпиадасида жами 19та медал жамғарган Ўзбекистон жамоаси Тошкентда кутиб олинди. Совриндорларга пул мукофотлари, квартира ва автомобиллар совға қилинди.
Делегация Тошкент халқаро аэропортида кутиб олинди. У ердаги қисқа тантаналардан сўнг жамоа аъзолари жой олган автобуслар карвони “Янги Ўзбекистон” боғига етиб борди.
Маросимда Олий Мажлис Қонунчилик палатаси спикери Нурдинжон Исмоилов ва бош вазир Абдулла Арипов спортчиларни қозонилган муваффақият билан табриклаб, уларга аталган совғаларни топширди.
Маълумот учун, Ўзбекистон Токио паралимпиадасига 48 спортчи билан 55 та йўлланмани қўлга киритган эди. Якунда жамоа 8 та олтин, 5 та кумуш ва 6 та бронза, жами 19 та медалга сазовор бўлди.
Жамоа аъзоларидан Нурхон Қурбонова бирйўла иккита медал билан қайтди: у найза улоқтиришда кумуш, ядро улоқтиришда бронза медалини қўлга киритди.
Умумий ҳисобда Ўзбекистон 162 делегация орасида мусобақани 16-ўринда якунлади.
Бу – Осиё қитъаси (Хитой, Япония ва Эрондан сўнг) ва МДҲ (Россия, Украина ва Озарбайжондан кейин) мамлакатлари орасида тўртинчи, Марказий Осиё ва туркий халқлар орасида биринчи кўрсаткичдир.
Ўзбекистон Рио-2016 Паралимпия ўйинларида ҳам Ўзбекистон 8 та олтин билан 16-ўринни эгаллаганди.
Токиода эришилган 19та медалнинг 9таси енгил атлетика, 6таси дзюдо баҳсларига тўғри келади. Сузишда 2та, таэквондо ва пауэрлифтингда 1тадан медал қўлга киритилди.
Паралимпиада-2021 чемпионлари:
Учқун Қуронбоев (дзюдо, -66 кг)
Нозимахон Қаюмова (Ф13 классида найза улоқтириш)
Моҳигул Ҳамдамова (Ф57 тоифасида диск улоқтириш)
Феруз Саидов (дзюдо, -73 кг)
Бобуржон Омонов (Ф41 классида ядро улоқтириш)
Ҳусниддин Норбеков (Ф35 классида ядро улоқтириш)
Сафия Бурханова (Ф12 классида ядро улоқтириш)
Гулжаной Наимова (таэквондо, +58 кг)
Кумуш медал совриндорлари:
Асила Мирзаёрова (Т11 классида узунликка сакраш)
Рўза Қўзиева (пауэрлифтинг, -61 кг)
Парвиза Самандарова (дзюдо, -57 кг)
Довурхон Кароматов (дзюдо, -81 кг)
Нурхон Қурбонова (Ф54 классида найза улоқтириш)
Бронза медал совриндорлари:
Ислом Асланов (100 метрга баттерфлай усулида (S13 класси) пара-сузиш)
Бугун, 6 сентябрь куни пойтахтимиздаги “Бунёдкор” стадиони ҳудудида Президентимиз ташаббуси билан ташкил этилган “Янги Ўзбекистон” университетига кириш имтиҳонлари бўлиб ўтди.
“Янги Ўзбекистон” университетига кириш имтиҳонларининг 1-босқичи – саралаш жараёнларига жами 6000 дан ортиқ талабгорлар рўйхатдан ўтган. 1-босқичдан 1213 нафар номзод муваффақиятли ўтиб, тест синовларида иштирок этди.
— Ушбу университетга механика муҳандислиги бўйича ҳужжат топширдим, — дейди Заҳрохон Анварова.— Дарахт бир жойда кўкаради, деган мақол бугунги кунга тўғри келмай қолгандек назаримда. Чунки бугунги ёшларга берилаётган имкониятларни кўриб одам кўп нарсаларни билгиси, жуда кўп касбларни эгаллагиси келади. Давлатимиз раҳбари “Янги Ўзбекистон” газетаси бош муҳаррири Салим Дониёровнинг саволларига жавобларида “Янги Ўзбекистон” университети мамлакатимиздаги барча олий ўқув юртлари учун намуна бўлади. Энг билимли ва истеъдодли ёшларимиз шу ерда ўқийди”, деган жавобни бердилар. Бундай фикрлар шахсан менга жуда катта мотивация берди. Энг билимли ёшларимиздан ташкил топадиган ушбу олийгоҳда ўқиб, тенгдошларимга ўрнак бўлишга ҳаракат қиламан.
Таъкидлаш жоизки, “Янги Ўзбекистон” университети ўз йўналишида “Дунёнинг энг яхши 100 университетлари” рейтингида 1-ўринда турадиган Массачусетс технология институти билан ҳамкорлик қилади.
Университетга маҳаллий мутахассислар билан бир қаторда хорижий педагог-кадрлар ҳам жалб этилган.
Мазкур университетга йўналишлар кесимида, механика муҳандислигига 100 ўрин, кимё муҳандислигига 100 ўрин, дастурий таъминот муҳандислигига 100 ўрин квота ажратилган.
— “Янги Ўзбекистон” университетига имтиҳонлар Cambridge Assessment ташкилоти билан ҳамкорликда амалга оширилди, — дейди Cambridge Assessment ташкилотининг таълим йўналиши бўйича бош маслаҳатчиси Стеве Кинг. —Саволлар мактаб дарсликлари асосида тузилган. Саволлар солинган конвертлар муҳрланган ҳолда бизга топширилди ва ҳар бир имтиҳон жараёни бошланган пайтда номзодлар гувоҳлигида очилди. Ҳар бир фан учун ярим соат вақт ажратилди. Имтиҳон тугаганидан кейин жавоблар варақаси йиғилди ва бизга, яъни Cambridge вакилига топширилди.
M.Botirov tomonidan Nukus shahar 1-son kasb-hunar maktabi Tikuvchilik ustaxonasida 2-bosqich «Tikuvchi» kasbi ishlab chiqarish ta’limi ustasi T.Ajiniyazovaning “Bolalar kiyimini tikish” o’quv amaliyotidan “Bolalar sorochkasini tikish” mavzusidagi amaliy mashg’uloti o`rganildi.
