Архив: 10 мая, 2023

Oliy taʼlim, fan va innovatsiyalar vazirligi hamda tizim tashkilotlari vakillaridan iborat bir guruh jamoa sana munosabati bilan poytaxtimizdagi Xotira maydoniga kelib, Motamsaro ona haykali poyiga gulchambar qoʻyishdi.

Bugun yurtimizda Xotira va qadrlash kuni hamda Ikkinchi jahon urushida qozonilgan gʻalabaning 78 yilligi keng nishonlanmoqda. Oliy taʼlim, fan va innovatsiyalar vazirligi jamoasi ushbu shonli sana munosabati bilan Motamsaro ona haykali poyiga gulchambar qoʻyishdi. Bugungi yorugʻ kunlar uchun fido boʻlgan insonlarni yod etib, ular xotirasiga hurmat bajo keltirishdi.

O‘quv ustaxonalari, texnik reglamentlar va metrologik nazorat xizmati tomonidan 9-may – “Xotira va qadrlash kuni” munosabati bilan Toshkent shahrida yashovchi mehnat va urush faxriylarini samimiy tabriklab va ularni moddiy rag‘batlantirildi.

9 may-“Xotira va qadrlash kuni” bayram munosabati bilan O‘quv ustaxonalari, texnik reglamentlar va metrologik nazorat xizmati boshlig‘i O‘.Xidirov, boshliq o‘rinbosari U.Eshankulov va bo‘lim boshlig‘i A.Ergashevlar Toshkent shahri istiqomat qilayotgan urush faxriylarining holidan xabar olish, samimiy tabriklash maqsadida xonadonlariga tashrif buyurishdi.

Dastlab, Toshkent shahri, Chilonzor tumani Afshona ko‘cha 70-uy, 3-xonadon istiqomat qiluvchi 1937 yilda tug‘ilgan 86 yoshli Lyudmila Minovarova Nikolaevna xonadoniga yo‘qlab borildi. Suhbat mobaynida onaxon mehmonlarga o‘z samimiy tilaklarni tilab minnatdorchilik bildirdi.

Shuningdek, Chilonzor tumani 1-mavze, 54-uy, 18-xonadon yashovchi Leningrad shahri qamalida bo‘lgan 1937 yilda tug‘ilgan 86 yoshli Spivak Natalya Grigorevna holidan xabar olindi.

Urush faxrilarimizga qahramonliklari, Vatan himoyasidagi tengsiz jasorati uchun O‘quv ustaxonalari, texnik reglamentlar va metrologik nazorat xizmati xodimlari nomidan minnatdorchilik va samimiy tilaklar bildirgan holda estalik sovg‘alari berildi.